Ffordd well i sicrhau dyfodol eich gyrfa. MBA Seiberddiogelwch cyfan gwbl ar-lein o'r brifysgol sy'n canolbwyntio ar yrfa

Mae’r modiwl yn canolbwyntio ar adnabod ac archwilio risgiau diogelwch, yn ogystal â chymhwyso mesurau a rheoliadau rheoli risg. Bydd myfyrwyr yn ennill gwerthfawrogiad o dechnoleg ddiogelwch a dealltwriaeth feirniadol o bolisïau, safonau ac arferion diogelwch yn ogystal â’r materion cyfreithiol, moesegol a phroffesiynol ym maes rheoli diogelwch.

Mae’r modiwl hwn yn eich cyflwyno i agweddau technegol seiberddiogelwch sy’n herio busnesau yn yr amgylchedd presennol. Byddwch yn archwilio bygythiadau penodol, gan adnabod, cymhwyso a gwerthuso technegau yn feirniadol i sicrhau technolegau busnes digidol. Mae pob pwnc yn dilyn dull cymhwysol, gyda deunydd wedi’i adeiladu ar astudiaethau achos ac arferion gorau’r diwydiant fel bod myfyrwyr yn barod ar gyfer swyddi arwain a rheoli o fewn sefydliadau.

Mae’r modiwl hwn yn datblygu gallu myfyrwyr i ddadansoddi data busnes a chyllid a dysgu mewnwelediadau allweddol a all ddylanwadu ar benderfyniadau strategol. Mae hyn yn cyfrannu at les ariannol cynaliadwy sefydliadau masnachol neu ddielw sy’n wynebu cystadleuaeth aflonyddgar.

Mae’r modiwl hwn yn annog myfyrwyr i archwilio ac ymchwilio’n annibynnol i’r cyfraniad amrywiol y mae arferion strategol yn eu gwneud i berfformiad busnes. Mae’n datblygu technegau dadansoddol a dyfarniadau yn seiliedig ar fodelau damcaniaethol a thueddiadau cyd-destunol sy’n effeithio ar weithredu strategol.

Modiwl sy’n darparu mewnwelediad hanfodol i natur barhaus newid a chreadigrwydd ar gyfer goroesiad a thwf sefydliadol. Mae’r modiwl hwn yn annog cydnabod y tensiynau sefydliadol a’r amrywiadau perfformiad sy’n gysylltiedig â chynhyrchu a chymhwyso newid a syniadau newydd.

Mae’r modiwl hwn wedi’i gynllunio i ddatblygu gallu myfyrwyr i gymhwyso cysyniadau cynllunio cyfathrebu a rheoli brand effeithiol. Mae’n rhoi mewnwelediad i’r cyfraniad i berfformiad sefydliadol a wneir trwy wella cysylltiadau cynaliadwy gyda rhanddeiliaid a rhoi gwerth i gwsmeriaid.

Yn galluogi myfyrwyr i archwilio a datblygu eu medrau a’u gwybodaeth fel ymarferydd Rheoli Adnoddau Dynol yn annibynnol trwy ddadleuon cyfoes ac adeiladol, gan ddefnyddio gwybodaeth a dealltwriaeth o reoli adnoddau dynol ar draws yr amgylchedd busnes strategol a gweithredol a swyddogaethau rheoli cysylltiedig. Nod y modiwl hwn yw cynyddu hygrededd ym maes rheoli adnoddau dynol a datblygu fframweithiau i gefnogi a thanategu natur ddatblygiadol y gwaith a fydd yn integreiddio â strategaethau a swyddogaethau adnoddau dynol eraill ac yn cefnogi cyfalaf dynol a pherfformiad busnes. Mae’n datblygu technegau dadansoddol a dyfarniadau yn seiliedig ar fodelau damcaniaethol a thueddiadau cyd-destunol sy’n effeithio ar reoli gwobrau ar draws swyddogaethau busnes strategol.

Mae’r modiwl hwn yn archwilio’r berthynas gymhleth rhwng arferion busnes a’r effaith ar yr amgylchedd byd-eang. Mae’n ystyried y ffyrdd y mae busnesau yn gallu cyfrannu’n gadarnhaol i bryderon a pholisïau amgylcheddol byd-eang.

Mae’r modiwl hwn yn rhoi mewnwelediad i natur a chyfansoddiad dulliau ymchwil academaidd sy’n cyd-fynd â fframweithiau ymchwil cyffredin. Mae’n cyflwyno technegau ac ymagweddau dadansoddol at samplu ynghyd â moeseg ymchwil er mwyn rhoi cyfarwyddyd i fyfyrwyr a fydd yn eu galluogi i ymchwilio i a datrys eu cwestiynau ymchwil.

Mae’r modiwl hwn yn cefnogi myfyrwyr i adnabod problem fusnes/rheoli gyfoes sy’n ddigon cymhleth i gyfiawnhau ymchwiliad fel modd o adnabod atebion posibl. Bydd yn rhoi cipolwg ar natur ymchwil academaidd, ynghyd â methodoleg a thechnegau dadansoddol. Bydd myfyrwyr yn datblygu ac yn cyflwyno eu cynnig ymchwil yn seiliedig ar adolygiad llenyddiaeth manwl. Ymchwilir i’r broblem sy’n cael ei hadnabod yn y modiwl hwn yn nhraethawd hir y myfyriwr.

Yn y traethawd hir, bydd y myfyrwyr yn ymchwilio i ac yn adrodd ar eu problem fusnes/rheoli gyfoes dewisol. Bydd y gwaith ymchwil a’r ysgrifennu yn cael ei wneud o dan oruchwyliaeth academaidd.