Eich cwrs MBA Rheoli Gofal Iechyd 100% ar-lein

Dysgwch sut i lwyddo mewn Rheoli Gofal Iechyd gyda MBA cyfan gwbl ar-lein o'r brifysgol sy'n canolbwyntio ar yrfa

  • Apply By: Gwnewch gais erbyn: 24 Ebrill 2025
  • To Begin: I ddechrau ar: 5 Mai 2025

180 credyd

•

2 flynedd yn rhan-amser

•

Cyfanswm ffioedd £6,000

Manteision allweddol

  • MBA Rheoli Gofal Iechyd 100% Ar-lein o fewn 24 mis
  • Astudio unrhyw bryd, yn unrhyw le, ar unrhyw ddyfais
  • Ennill cyflog wrth ddysgu
  • Cyfanswm ffioedd o £6,000, opsiwn i dalu fesul modiwl
  • Cefnogaeth academaidd lawn

Cyflymwch eich gyrfa yn y sector gofal iechyd gyda chwrs MBA Rheoli Gofal Iechyd o Ysgol Reolaeth Gogledd Cymru. Mae’r rhaglen MBA 100% ar-lein hon wedi’i chynllunio ar gyfer gweithwyr proffesiynol gofal iechyd uchelgeisiol ac arweinwyr sy’n dod i’r amlwg yn y maes gofal iechyd sydd eisiau symud ymlaen yn bellach ac yn gyflymach trwy ddatblygu eu dealltwriaeth a’u defnydd o reoli ac arweinyddiaeth.

Rhaglen MBA ar-lein hyblyg ac unigryw, mae’n arfogi myfyrwyr yn benodol â’r offer, y cysyniadau a’r technegau ymarferol i lwyddo mewn swyddi arwain yn y sector gofal iechyd. Yn ogystal, mae’n darparu dealltwriaeth eang, gynhwysfawr o fusnes – yn archwilio disgyblaethau busnes allweddol gan gynnwys strategaeth, rheoli adnoddau dynol a marchnata.

Arwain a llwyddo yn y maes rheoli gofal iechyd

Mae’r radd Meistr mewn Gweinyddu Busnes (MBA) – Rheoli Gofal Iechyd, hon sydd wedi’i theilwra’n ofalus, yn rhoi cyfle i weithwyr proffesiynol prysur gyflymu eu trywydd tuag at swyddi arwain uwch yn y proffesiwn gofal iechyd trwy eu galluogi i astudio yn gyfan gwbl ar-lein, unrhyw bryd, unrhyw le, wrth eu pwysau eu hunain. Ni fydd y cwrs yn tarfu ar eu gyrfa, felly gallant ennill cyflog wrth ddysgu.

Mae’r rhaglen yn datblygu’r sgiliau allweddol sydd eu hangen ar arweinwyr gofal iechyd, gan gynnwys:

  • Cysyniadu arweinyddiaeth yn y sector gofal iechyd
  • Heriau a datrysiadau arweinyddiaeth sy’n benodol i ofal iechyd
  • Ymarfer broffesiynol a gweithredu strategol mewn gofal iechyd
  • Rheoli perfformiad yn effeithiol
  • Newid creadigol ac arloesedd
  • Sgiliau Cyfathrebu

Arbenigwyr mewn dysgu hyblyg

Mae dros hanner ein myfyrwyr yn astudio rhan amser, felly mae gennym arbenigedd sylweddol mewn astudio hyblyg. Mae’r cwrs MBA Rheoli Gofal Iechyd cyfan gwbl ar-lein hwn wedi’i gynllunio i fod yn hyblyg er mwyn eich galluogi i astudio ar eich cyflymder eich hun, ac ar eich telerau chi. Gyda chwe dyddiad dechrau bob blwyddyn, gallwch ddechrau astudio o fewn wythnosau. Mae yna opsiynau talu hyblyg a benthyciadau ôl-raddedig gan y llywodraeth i dalu am gost lawn y rhaglen, i’r rheiny sy’n gymwys.

MBA Rheoli Gofal Iechyd sy'n canolbwyntio ar yrfa, ar gyfer y byd gwaith modern

Mae’r cwrs MBA Rheoli Gofal Iechyd hwn yn cael ei arwain gan ddiwydiant ac yn canolbwyntio ar yrfa, gan adlewyrchu diwylliant a gallu Ysgol Reolaeth Gogledd Cymru yn benodol a Phrifysgol Wrecsam yn fwy eang. Mae ein perthynas ddofn â chyflogwyr mawr wedi bwydo i mewn i gynnwys y rhaglen ac wedi helpu i lunio cwrs MBA sydd wedi’i adeiladu ar gyfer gwella gyrfa ar draws ystod eang o sectorau yn yr amgylchedd gwaith modern. Yr agwedd hon sydd wedi sicrhau ein lle ymhlith y 10 prifysgol gorau yn y DU o ran cyflogadwyedd myfyrwyr rhan amser.

Gofynion mynediad

  • Dylech fod wedi cwblhau neu ar fin cwblhau cwrs gradd israddedig mewn unrhyw bwnc gydag o leiaf gradd anrhydedd 2:2 (neu gymhwyster cyfwerth). Rydym hefyd yn derbyn gradd Meistr neu gyfwerth.
  • Dylech feddu ar o leiaf 2 flynedd o brofiad gwaith
  • Efallai y byddwn hefyd yn derbyn ymgeiswyr sydd ddim yn meddu ar y cymwysterau hyn yn seiliedig ar o leiaf dwy flynedd o brofiad gwaith.
  • Os gwnaethoch ennill eich gradd israddedig y tu allan i’r DU, dylech wirio bod eich gradd yn gyfwerth â gradd 2:2.
  • Os nad Saesneg yw eich iaith gyntaf, efallai y bydd rhaid i chi ddarparu tystiolaeth o’ch gallu iaith Saesneg. Rydym yn derbyn:
    • IELTS ar 6.0 yn gyffredinol heb unrhyw elfen yn is na 5.5
      • TOEFL isafswm cyffredinol o 83
      • PTE Academic isafswm cyffredinol o 58
      • Cambridge (CAE & CPE) cyfanswm cyffredinol o 176
    • Cymhwyster gradd cyfrwng Saesneg
    • Tystiolaeth eich bod yn gweithio i gwmni lle defnyddir Saesneg fel y brif iaith gwaith
    • Cymwysterau ysgol uwchradd mewn Saesneg

Ffioedd

Mae cyrsiau MBA ar-lein Ysgol Reolaeth Gogledd Cymru wedi’u cynllunio i fod yn fforddiadwy, gan arbed amser ac arian. Cyfrifir ffioedd dysgu yn seiliedig ar bob modiwl wyth wythnos. Gallwch gofrestru ar gyfer a thalu am bob sesiwn ddilynol wrth i’ch astudiaethau symud ymlaen. Derbynnir taliad trwy’r porth myfyrwyr ar-lein a rhaid i fyfyrwyr dalu erbyn y dyddiad talu.

  • Cyfanswm Ffioedd y Rhaglen £6,000
  • Fesul modiwl 15 credyd £500

Modules

Modiwlau
Cysyniadu arweinyddiaeth yn y sector gofal iechyd

Mae’r modiwl hwn yn galluogi myfyrwyr i gysyniadu arweinyddiaeth, diwylliant a’r hinsawdd o fewn y sector gofal iechyd. Mae’n archwilio’r sail ddamcaniaethol ac yn trafod cymhwyso arweinyddiaeth mewn ymarfer. Bydd yn archwilio’r heriau unigryw o ran arweinyddiaeth yn y diwylliant a’r hinsawdd gofal iechyd presennol, gan wahodd myfyrwyr i ymchwilio i atebion bywyd go iawn i faterion arweinyddiaeth parhaus ar bob lefel. Bydd myfyrwyr yn archwilio eu harddull arwain eu hunain ac arddull arwain pobl eraill ac fel rhan o’r asesiad gofynnir iddynt adolygu a rheoli perfformiad aelod o staff o fewn astudiaeth achos ffug, gan ganiatáu i’r myfyriwr ymgymryd â sgyrsiau anodd mewn amgylchedd diogel. Mae ymarfer myfyriol wrth wraidd y modiwl hwn, a gofynnir i fyfyrwyr gynhyrchu hunanasesiad o’u harweinyddiaeth a chynllun hunan-ddatblygu o fewn y modiwl.