Ffordd well i lwyddo mewn Rheoli Adnoddau Dynol. MBA Rheoli Adnoddau Dynol cwbl ar-lein o'r brifysgol sy'n canolbwyntio ar yrfa

Yn galluogi myfyrwyr i archwilio a datblygu eu medrau a’u gwybodaeth fel ymarferydd Rheoli Adnoddau Dynol yn annibynnol trwy ddadleuon cyfoes ac adeiladol, gan ddefnyddio gwybodaeth a dealltwriaeth o reoli adnoddau dynol ar draws yr amgylchedd busnes strategol a gweithredol. Mae’r modiwl hwn yw cynyddu hygrededd ym maes rheoli adnoddau dynol ac yn datblygu fframweithiau i gefnogi a thanategu natur ddatblygiadol y gwaith a fydd yn integreiddio â strategaethau a swyddogaethau adnoddau dynol eraill ac yn cefnogi cyfalaf dynol a pherfformiad busnes. Mae’n datblygu technegau dadansoddol a dyfarniadau yn seiliedig ar fodelau damcaniaethol a thueddiadau cyd-destunol sy’n effeithio ar reoli gwobrau ar draws swyddogaethau busnes strategol.

Yn annog myfyrwyr i archwilio a datblygu sgiliau a gwybodaeth yn annibynnol trwy ddadleuon cyfoes a datblygiadau o ran alinio, ymgysylltu a defnyddio gweithlu sefydliad yn y dyfodol. Mae myfyrwyr yn ymchwilio i’r cyfraniad amrywiol y mae arferion rheoli Adnoddau Dynol hanfodol o’r fath yn ei wneud i berfformiad busnes yn y dyfodol. Mae’n datblygu technegau dadansoddol a dyfarniadau yn seiliedig ar fodelau damcaniaethol a thueddiadau cyd-destunol sy’n effeithio ar reoli gwobrau ar draws swyddogaethau busnes strategol.

Mae’r modiwl hwn yn archwilio’r strategaethau gwobrwyo allweddol a’u hintegreiddiad o fewn y swyddogaeth adnoddau dynol. Mae hefyd yn edrych ar sut mae polisïau a gweithdrefnau gwobrwyo yn gallu integreiddio gydag a chefnogi amcanion busnes. Bydd myfyrwyr yn ymchwilio i’r cyfraniad amrywiol a chyffredinol sydd gan ddulliau gwobrwyo strategol fel catalyddion newid ar berfformiad busnes yn y dyfodol. Bydd myfyrwyr yn datblygu sgiliau a chraffter dadansoddol yn seiliedig ar fodelau damcaniaethol a thueddiadau cyd-destunol sy’n effeithio ar reoli gwobrau ar draws swyddogaethau busnes strategol.

Mae’r modiwl hwn yn archwilio’r berthynas gymhleth rhwng arferion busnes a’r effaith ar yr amgylchedd byd-eang. Mae’n ystyried y ffyrdd y mae busnesau yn gallu cyfrannu’n gadarnhaol i bryderon a pholisïau amgylcheddol byd-eang.

Mae’r modiwl hwn yn annog myfyrwyr i archwilio ac ymchwilio’n annibynnol i’r cyfraniad amrywiol y mae arferion strategol yn eu gwneud i berfformiad busnes. Mae’n datblygu technegau dadansoddol a dyfarniadau yn seiliedig ar fodelau damcaniaethol a thueddiadau cyd-destunol sy’n effeithio ar weithredu strategol.

Mae’r modiwl hwn yn datblygu gallu myfyrwyr i ddadansoddi data busnes a chyllid a dysgu mewnwelediadau allweddol a all ddylanwadu ar benderfyniadau strategol. Mae hyn yn cyfrannu at les ariannol cynaliadwy sefydliadau masnachol neu ddielw sy’n wynebu cystadleuaeth aflonyddgar.

Modiwl sy’n darparu mewnwelediad hanfodol i natur barhaus newid a chreadigrwydd ar gyfer goroesiad a thwf sefydliadol. Mae’r modiwl hwn yn annog cydnabod y tensiynau sefydliadol a’r amrywiadau perfformiad sy’n gysylltiedig â chynhyrchu a chymhwyso newid a syniadau newydd.

Mae’r modiwl hwn wedi’i gynllunio i ddatblygu gallu myfyrwyr i gymhwyso cysyniadau cynllunio cyfathrebu a rheoli brand effeithiol. Mae’n rhoi mewnwelediad i’r cyfraniad i berfformiad sefydliadol a wneir trwy wella cysylltiadau cynaliadwy gyda rhanddeiliaid a rhoi gwerth i gwsmeriaid.

Mae’r modiwl hwn yn rhoi mewnwelediad i natur a chyfansoddiad dulliau ymchwil academaidd sy’n cyd-fynd â fframweithiau ymchwil cyffredin. Mae’n cyflwyno technegau ac ymagweddau dadansoddol at samplu ynghyd â moeseg ymchwil er mwyn rhoi cyfarwyddyd i fyfyrwyr a fydd yn eu galluogi i ymchwilio i a datrys eu cwestiynau ymchwil.

Mae’r modiwl hwn yn cefnogi myfyrwyr i adnabod problem fusnes/rheoli gyfoes sy’n ddigon cymhleth i gyfiawnhau ymchwiliad fel modd o adnabod atebion posibl. Bydd yn rhoi cipolwg ar natur ymchwil academaidd, ynghyd â methodoleg a thechnegau dadansoddol. Bydd myfyrwyr yn datblygu ac yn cyflwyno eu cynnig ymchwil yn seiliedig ar adolygiad llenyddiaeth manwl. Ymchwilir i’r broblem sy’n cael ei hadnabod yn y modiwl hwn yn nhraethawd hir y myfyriwr.

Yn y traethawd hir, bydd y myfyrwyr yn ymchwilio i ac yn adrodd ar eu problem fusnes/rheoli gyfoes dewisol. Bydd y gwaith ymchwil a’r ysgrifennu yn cael ei wneud o dan oruchwyliaeth academaidd.