Y ffordd ddoethach i roi mantais gystadleuol i chi'ch hun.

Mae’r modiwl hwn yn archwilio damcaniaethau personoliaeth allweddol mewn perthynas ag ystyriaethau ymarferol sy’n effeithio ar brofiadau pobl yn y gweithle. Yn y cwrs hwn, byddwch yn ymdrin â phynciau sy’n berthnasol i’r gweithle cyfoes ac yn datblygu dealltwriaeth o sut y gellir
cymhwyso dealltwriaeth o theori personoliaeth i ddeall a gwella profiadau pobl mewn sefydliad, yn ogystal â chymhwyso profion seicometrig yn foesegol at ddibenion recriwtio.

Mae Pynciau mewn Seicoleg Iechyd wedi’i anelu at roi gwybodaeth a dealltwriaeth i fyfyrwyr o rôl ffactorau cymdeithasol, seicolegol a biolegol ar iechyd, salwch a lles yng nghyd-destun yr unigolyn a’r
gymdeithas gyfoes, a sut maent yn berthnasol i heriau yn y gweithle. Mae’r modiwl yn annog datblygu dealltwriaeth feirniadol o ddamcaniaethau a modelau perthnasol o newid ymddygiad. Byddwch yn ymdrin â phynciau sy’n ymwneud â hybu iechyd, effaith cyfryngau cymdeithasol, ac effaith straen a salwch cronig, a sut i’w rheoli, y gellir ei gymhwyso i arferion strategol a lywir gan reolaeth mewn busnes.

Yn galluogi myfyrwyr i archwilio a datblygu eu medrau a’u gwybodaeth fel ymarferydd Rheoli Adnoddau Dynol yn annibynnol trwy ddadleuon cyfoes ac adeiladol, gan ddefnyddio gwybodaeth a dealltwriaeth o reoli adnoddau dynol ar draws yr amgylchedd busnes strategol a gweithredol a swyddogaethau rheoli cysylltiedig. Nod y modiwl hwn yw cynyddu hygrededd ym maes rheoli adnoddau dynol a datblygu fframweithiau i gefnogi a thanategu natur ddatblygiadol y gwaith a fydd yn integreiddio â strategaethau a swyddogaethau adnoddau dynol eraill ac yn cefnogi cyfalaf dynol a pherfformiad busnes. Mae’n datblygu technegau dadansoddol a dyfarniadau yn seiliedig ar fodelau damcaniaethol a thueddiadau cyd-destunol sy’n effeithio ar reoli gwobrau ar draws swyddogaethau busnes strategol.

Modiwl sy’n darparu mewnwelediad hanfodol i natur barhaus newid a chreadigrwydd ar gyfer goroesiad a thwf sefydliadol. Mae’r modiwl hwn yn annog cydnabod y tensiynau sefydliadol a’r amrywiadau perfformiad sy’n gysylltiedig â chynhyrchu a chymhwyso newid a syniadau newydd.

Mae’r modiwl hwn yn annog myfyrwyr i archwilio ac ymchwilio’n annibynnol i’r cyfraniad amrywiol y mae arferion strategol yn eu gwneud i berfformiad busnes. Mae’n datblygu technegau dadansoddol a dyfarniadau yn seiliedig ar fodelau damcaniaethol a thueddiadau cyd-destunol sy’n effeithio ar weithredu strategol.

Mae’r modiwl hwn yn datblygu gallu myfyrwyr i ddadansoddi data busnes a chyllid a dysgu mewnwelediadau allweddol a all ddylanwadu ar benderfyniadau strategol. Mae hyn yn cyfrannu at les ariannol cynaliadwy sefydliadau masnachol neu ddielw sy’n wynebu cystadleuaeth aflonyddgar.

Mae’r modiwl hwn wedi’i gynllunio i ddatblygu gallu myfyrwyr i gymhwyso cysyniadau cynllunio cyfathrebu a rheoli brand effeithiol. Mae’n rhoi mewnwelediad i’r cyfraniad i berfformiad sefydliadol a wneir trwy wella cysylltiadau cynaliadwy gyda rhanddeiliaid a rhoi gwerth i gwsmeriaid.

Mae’r modiwl hwn yn archwilio’r berthynas gymhleth rhwng arferion busnes a’r effaith ar yr amgylchedd byd-eang. Mae’n ystyried y ffyrdd y mae busnesau yn gallu cyfrannu’n gadarnhaol i bryderon a pholisïau amgylcheddol byd-eang.

Mae’r modiwl hwn yn rhoi mewnwelediad i natur a chyfansoddiad dulliau ymchwil academaidd sy’n cyd-fynd â fframweithiau ymchwil cyffredin. Mae’n cyflwyno technegau ac ymagweddau dadansoddol at samplu ynghyd â moeseg ymchwil er mwyn rhoi cyfarwyddyd i fyfyrwyr a fydd yn eu galluogi i ymchwilio i a datrys eu cwestiynau ymchwil.

Mae’r modiwl hwn yn cefnogi myfyrwyr i adnabod problem fusnes/rheoli gyfoes sy’n ddigon cymhleth i gyfiawnhau ymchwiliad fel modd o adnabod atebion posibl. Bydd yn rhoi cipolwg ar natur ymchwil academaidd, ynghyd â methodoleg a thechnegau dadansoddol. Bydd myfyrwyr yn datblygu ac yn cyflwyno eu cynnig ymchwil yn seiliedig ar adolygiad llenyddiaeth manwl. Ymchwilir i’r broblem sy’n cael ei hadnabod yn y modiwl hwn yn nhraethawd hir y myfyriwr.

Yn y traethawd hir, bydd y myfyrwyr yn ymchwilio i ac yn adrodd ar eu problem fusnes/rheoli gyfoes dewisol. Bydd y gwaith ymchwil a’r ysgrifennu yn cael ei wneud o dan oruchwyliaeth academaidd.