Eich cwrs MBA Entrepreneuriaeth 100% ar-lein

Trowch eich syniad yn fusnes gyda MBA Entrepreneuriaeth cyfan gwbl ar-lein o'r brifysgol sy'n canolbwyntio ar yrfa

  • Gwnewch gais erbyn: 24 Ebrill 2025
  • I ddechrau ar: 5 Mai 2025

180 credyd

•

2 flynedd yn rhan-amser

•

Cyfanswm ffioedd £6,000

Manteision allweddol

  • MBA Entrepreneuriaeth 100% Ar-lein o fewn 24 mis
  • Astudio unrhyw bryd, yn unrhyw le, ar unrhyw ddyfais
  • Ennill cyflog wrth ddysgu
  • Cyfanswm ffioedd o £6,000, opsiwn i dalu fesul modiwl
  • Cefnogaeth academaidd lawn

Mae’r cwrs MBA Entrepreneuriaeth 100% ar-lein hwn wedi’i gynllunio i baratoi darpar entrepreneuriaid a gweithwyr proffesiynol uchelgeisiol, beiddgar a chreadigol ar gyfer ystod eang o gyfleoedd gyrfa cyffrous. O lansio mentrau busnes newydd, i dyfu a datblygu busnesau newydd a chwmnïau bach, i reoli arloesedd mewn cwmnïau mwy, mae’r rhaglen MBA hon ar gyfer unigolion sydd eisiau bod yn entrepreneuriaid, dyfeiswyr ac arweinwyr.

Mae’r rhaglen ar-lein hynod hyblyg yn darparu dealltwriaeth gynhwysfawr o’r broses entrepreneuraidd ac yn datblygu sgiliau entrepreneuraidd gan gynnwys arloesedd, creadigrwydd a dylunio. Mae hefyd yn datblygu ehangder gwybodaeth a sgiliau sy’n allweddol i wneud busnesau’n llwyddiannus, gan gynnwys strategaeth, marchnata a rheoli adnoddau dynol.

Paratowch i lwyddo gyda set sgiliau entrepreneuraidd

Mae’r radd Meistr mewn Gweinyddu Busnes (MBA) – Entrepreneuriaeth sydd wedi’i gwerthuso’n ofalus yn rhoi’r gallu a’r wybodaeth unigryw sydd eu hangen ar unigolion sydd am lansio menter entrepreneuraidd newydd i wneud hynny’n llwyddiannus heb gymryd amser i ffwrdd o’u gyrfa bresennol, sy’n eu caniatáu i barhau i ennill cyflog tra byddant yn dysgu. Byddant yn astudio yn gyfan gwbl ar-lein, unrhyw amser, yn unrhyw le, ar unrhyw ddyfais, wrth eu pwysau eu hunain.

Mae’r rhaglen hon yn datblygu’r sgiliau allweddol sydd eu hangen ar entrepreneuriaid ac arloeswyr, gan gynnwys:

  • Meddwl yn entreprenuraidd
  • Creadigrwydd ac arloesedd
  • Datblygu mentrau busnes newydd
  • Llunio strategaethau marchnata
  • Rheolaeth ariannol
  • Sgiliau Cyfathrebu

Arbenigwyr mewn dysgu hyblyg

Mae dros hanner ein myfyrwyr yn astudio rhan amser, felly mae gennym arbenigedd sylweddol mewn astudio hyblyg. Mae’r cwrs MBA Entrepreneuriaeth cyfan gwbl ar-lein hwn wedi’i gynllunio i fod yn hyblyg er mwyn eich galluogi i astudio ar eich cyflymder eich hun, ac ar eich telerau chi. Gyda chwe dyddiad dechrau bob blwyddyn, gallwch ddechrau astudio o fewn wythnosau. Mae yna opsiynau talu hyblyg a benthyciadau ôl-raddedig gan y llywodraeth i dalu am gost lawn y rhaglen, i’r rheiny sy’n gymwys.

MBA Entrepreneuriaeth sy'n canolbwyntio ar yrfa, ar gyfer y byd gwaith modern

Mae’r cwrs MBA Entrepreneuriaeth hwn yn cael ei arwain gan ddiwydiant ac yn canolbwyntio ar yrfa, gan adlewyrchu diwylliant a gallu Ysgol Reolaeth Gogledd Cymru a Phrifysgol Wrecsam. Mae ein perthynas ddofn â chyflogwyr mawr wedi bwydo i mewn i gynnwys y rhaglen ac wedi helpu i lunio cwrs MBA sydd wedi’i adeiladu ar gyfer gwella gyrfa ar draws ystod eang o sectorau yn yr amgylchedd gwaith modern. Yr agwedd hon sydd wedi sicrhau ein lle ymhlith y 10 prifysgol gorau yn y DU o ran cyflogadwyedd myfyrwyr rhan amser.

Gofynion mynediad

  • Dylech fod wedi cwblhau neu ar fin cwblhau cwrs gradd israddedig mewn unrhyw bwnc gydag o leiaf gradd anrhydedd 2:2 (neu gymhwyster cyfwerth). Rydym hefyd yn derbyn gradd Meistr neu gyfwerth.
  • Dylech feddu ar o leiaf 2 flynedd o brofiad gwaith
  • Efallai y byddwn hefyd yn derbyn ymgeiswyr sydd ddim yn meddu ar y cymwysterau hyn yn seiliedig ar o leiaf dwy flynedd o brofiad gwaith.
  • Os gwnaethoch ennill eich gradd israddedig y tu allan i’r DU, dylech wirio bod eich gradd yn gyfwerth â gradd 2:2.
  • Os nad Saesneg yw eich iaith gyntaf, efallai y bydd rhaid i chi ddarparu tystiolaeth o’ch gallu iaith Saesneg. Rydym yn derbyn:
    • IELTS ar 6.0 yn gyffredinol heb unrhyw elfen yn is na 5.5
      • TOEFL isafswm cyffredinol o 83
      • PTE Academic isafswm cyffredinol o 58
      • Cambridge (CAE & CPE) cyfanswm cyffredinol o 176
    • Cymhwyster gradd cyfrwng Saesneg
    • Tystiolaeth eich bod yn gweithio i gwmni lle defnyddir Saesneg fel y brif iaith gwaith
    • Cymwysterau ysgol uwchradd mewn Saesneg

Ffioedd

Mae cyrsiau MBA ar-lein Ysgol Reolaeth Gogledd Cymru wedi’u cynllunio i fod yn fforddiadwy, gan arbed amser ac arian. Cyfrifir ffioedd dysgu yn seiliedig ar bob modiwl wyth wythnos. Gallwch gofrestru ar gyfer a thalu am bob sesiwn ddilynol wrth i’ch astudiaethau symud ymlaen. Derbynnir taliad trwy’r porth myfyrwyr ar-lein a rhaid i fyfyrwyr dalu erbyn y dyddiad talu.

  • Cyfanswm Ffioedd y Rhaglen £6,000
  • Fesul modiwl 15 credyd £500

Modules

Modiwlau
Meddwl yn Entrepreneuraidd

Mae’r modiwl hwn yn rhoi dealltwriaeth i fyfyrwyr o entrepreneuriaeth a sut y gall unigolion ym mhob math o sefydliadau, rhai bach a mawr, ddefnyddio arferion entrepreneuraidd i ddatrys problemau a chreu gwerth. Nod y modiwl yw caniatáu i fyfyrwyr adeiladu a deall y meddylfryd entrepreneuraidd a datblygu’r gallu i adnabod a chreu cyfleoedd entrepreneuraidd trwy greu, datblygu a manteisio ar syniadau, cynhyrchion, gwasanaethau a phrosesau newydd.

Creu Menter Newydd

Mae’r modiwl hwn yn datblygu dealltwriaeth gynhwysfawr o’r broses entrepreneuraidd a datblygiad mentrau busnes newydd. Mae’n egluro’r camau o ran cynllunio busnes, goroesi, twf menter ac ymadael, yng nghyd-destun y sector preifat, y sector cyhoeddus a’r trydydd sector. Mae’n archwilio cyfnodau allweddol dechrau busnes: o nodi cyfle posibl; diogelu deallusol; nodi model busnes a strategaeth briodol; bodloni gofynion statudol; marchnata; a chynllunio ariannol.

Newid Creadigol ac Arloesi

Yn darparu mewnwelediad beirniadol i natur barhaus newid a chreadigrwydd ar gyfer goroesiad a thwf sefydliadol. Mae’r modiwl hwn yn annog cydnabyddiaeth o’r tensiynau sefydliadol a’r amrywiadau perfformiad sy’n gysylltiedig â chynhyrchu a chymhwyso newid a syniadau newydd.

Gweithredu Strategaethau

Mae’r modiwl hwn yn eich annog i archwilio ac ymchwilio’n annibynnol i’r cyfraniad amrywiol y mae arferion strategol yn ei wneud i berfformiad busnes. Mae’n datblygu technegau a dyfarniadau dadansoddol yn seiliedig ar fodelau damcaniaethol a thueddiadau cyd-destunol sy’n effeithio ar weithrediad strategol.

Mewnwelediadau Cyllid a Gwybodaeth Busnes

Mae’r modiwl hwn yn datblygu eich gallu i ddadansoddi data busnes ac ariannol a chael mewnwelediadau allweddol a all ddylanwadu ar wneud penderfyniadau strategol. Mae hyn yn cyfrannu at les ariannol cynaliadwy sefydliadau masnachol neu ddi-elw sy’n wynebu cystadleuaeth aflonyddgar.

HRM mewn Cyd-destun

Yn eich galluogi i archwilio a datblygu eich sgiliau a’ch gwybodaeth fel ymarferydd HRM yn annibynnol trwy drafodaethau cyfoes ac adeiladol, gan ddefnyddio gwybodaeth a dealltwriaeth o HRM ar draws yr amgylchedd busnes strategol a gweithredol a swyddogaethau rheoli cysylltiedig. Nod y modiwl hwn yw cynyddu hygrededd ym maes Rheoli Adnoddau Dynol a datblygu fframweithiau i gefnogi a thanategu natur esblygol gwaith a fydd yn integreiddio â strategaethau a swyddogaethau AD eraill ac yn cefnogi cyfalaf dynol a pherfformiad busnes. Mae’n datblygu technegau dadansoddol a dyfarniadau yn seiliedig ar fodelau damcaniaethol a thueddiadau cyd-destunol sy’n effeithio ar reoli gwobrau ar draws swyddogaethau busnes strategol.

Pwysleisio'r Amgylchedd

Mae’r modiwl hwn yn archwilio’r berthynas gymhleth rhwng arferion busnes a’r effaith ar yr amgylchedd byd-eang. Mae’n ystyried ffyrdd y gall busnes gyfrannu’n gadarnhaol at bryderon a pholisïau amgylcheddol byd-eang.

Integrated Communications

Cynlluniwyd y modiwl hwn i ddatblygu eich gallu i gymhwyso cynllunio cyfathrebu effeithiol a chysyniadau rheoli brand. Mae’n rhoi mewnwelediad i’r cyfraniad a wneir at berfformiad sefydliadol trwy wella perthnasoedd cynaliadwy â rhanddeiliaid a darparu gwerth i gwsmeriaid.

Dulliau Ymchwil

Mae’r modiwl hwn yn rhoi cipolwg ar natur a chyfansoddiad dulliau ymchwil academaidd sy’n cyd-fynd â fframweithiau ymchwil cyffredin. Mae’n cyflwyno technegau dadansoddol a dulliau samplu ynghyd â moeseg ymchwil er mwyn rhoi cyfeiriad i chi a fydd yn eich galluogi i ymchwilio a datrys eich cwestiynau ymchwil.

Cynnig Ymchwil

Mae’r modiwl hwn yn eich cefnogi i adnabod problem fusnes neu reolaeth gyfoes sy’n ddigon cymhleth i warantu ymchwiliad fel modd o ganfod datrysiadau posib. Bydd yn rhoi cipolwg ar natur ymchwil academaidd, ynghyd â methodolegau a thechnegau dadansoddi. Byddwch yn datblygu ac yn cyflwyno eich cynnig ymchwil yn seiliedig ar adolygiad llenyddiaeth â ffocws. Bydd y broblem a nodir yn y modiwl hwn yn cael ei hymchwilio yn eich traethawd hir.

Traethawd hir

Yn eich traethawd hir, byddwch yn ymchwilio ac yn adrodd ar eich busnes cyfoes dewisol neu broblem reoli. Bydd eich gwaith ymchwil ac ysgrifennu yn cael ei wneud o dan oruchwyliaeth academaidd.

Dewiswch Ysgol Reoli Gogledd Cymru

  • Y 10 prifysgol orau yn y DU am gyflogadwyedd i raddedigion yn y DU o raddau cyntaf rhan-amser (Ffynhonnell: HESA PI E1b 2015/16)
  • Roedd 99.1% mewn cyflogaeth neu astudiaeth bellach 6 mis ar ôl cwblhau eu hastudiaethau (Ffynhonnell: HESA PI E1b 2015/16)
  • Rhaglenni wedi’u harwain gan y diwydiant gyda sicrwydd QAA, sy’n ymgorffori gwybodaeth ddofn ac arbenigedd partneriaid sy’n gyflogwyr ac wedi’u teilwra i anghenion y farchnad swyddi fodern
  • Cysylltiadau agos â chyflogwyr lleol a rhanbarthol blaenllaw, gan gynnwys Toyota, Kellogg’s, Brother Industries a’r BBC
  • Arbenigedd mewn dysgu hyblyg – mae mwy na hanner ein myfyrwyr yn astudio’n rhan-amser
  • Mae tîm Llwyddiant Myfyrwyr Ymroddedig yn eich cefnogi bob cam o’r ffordd – o gofrestru hyd at raddio
  • Prifysgol ryngwladol o lawer o ddiwylliannau
  • Rhaglenni sy’n addas ar gyfer ystod eang o gefndiroedd academaidd
  • Gostyngiad o 10% mewn ffioedd i raddedigion Prifysgol Wrecsam