Y ffordd ddoethach o lwyddo ym maes addysg plentyndod cynnar. Cwrs Meistr mewn addysg gyda phlentyndod cynnar ar-lein sy'n canolbwyntio ar yrfa am £6,000

Mae’r modiwl hwn yn rhoi cyfle i fyfyrwyr archwilio a gwerthuso materion cyfoes mewn addysg plentyndod cynnar. Bydd myfyrwyr yn myfyrio’n feirniadol ar eu rolau a’u cyfrifoldebau eu hunain sy’n seiliedig ar werth yng nghyd-destun rhyngwladol amgylcheddau aml-broffesiynol ac integredig. Byddant yn datblygu ymreolaeth wrth ymchwilio a myfyrio ar fater o ddiddordeb proffesiynol ac yn datblygu gwybodaeth bwnc trwy ddull myfyriol mewn sefyllfaoedd cymhleth. Bydd myfyrwyr yn dangos ymwybyddiaeth feirniadol o broblemau cyfredol a mewnwelediadau newydd sy’n gysylltiedig ag archwilio materion cyfoes mewn ymarfer plentyndod cynnar.

Nod y modiwl hwn yw dadansoddi a gwerthuso cysyniadau llesiant a gwydnwch yn feirniadol yng nghyd-destun cefndir diwylliannol y myfyriwr ei hun. Bydd myfyrwyr yn archwilio ffactorau a dylanwadau y tu mewn a’r tu allan i leoliadau addysgol sy’n cael effaith gadarnhaol a negyddol ar les a gwydnwch. Bydd myfyrwyr yn cymhwyso eu hymchwil i’w harfer eu hunain ac yn gwerthuso’n feirniadol polisïau lleol a chenedlaethol sy’n arwain ymarfer proffesiynol. Bydd y modiwl yn rhoi cyfle i fyfyrwyr i ddangos ymwybyddiaeth feirniadol o ddamcaniaethau a modelau o les a gwydnwch.

Mae’r modiwl hwn yn annog myfyrio a gwerthuso beirniadol trwy ddull sy’n seiliedig ar dystiolaeth o ymarfer a datblygiad proffesiynol parhaus. Mae’n galluogi myfyrwyr i ddatblygu eu gwybodaeth ac i wella eu sgiliau ysgrifennu, ymchwilio ac astudio, gan ddilyn confensiynau academaidd. Mae’r modiwl yn rhoi cyfle i fyfyrwyr ddadansoddi a gwerthuso llenyddiaeth, ymchwil, polisïau a datblygiadau yn eu cyd-destun proffesiynol eu hunain.

Mae’r modiwl hwn yn datblygu ymwybyddiaeth feirniadol o faterion sy’n ymwneud â chynhwysiant ac anghenion dysgu ychwanegol, gan alluogi ymarferwyr myfyriol a blaengar i ddatblygu agweddau, polisïau ac arferion cadarnhaol sy’n cefnogi ymgysylltiad a chyflawniad pob unigolyn mewn lleoliadau addysg a chymunedol.

Mae’r modiwl hwn yn meithrin dealltwriaeth feirniadol o werth mentora a hyfforddi wrth ddatblygu a gwella ymarfer proffesiynol. Mae’n archwilio pwysigrwydd a phwrpas arsylwi cymheiriaid ac yn rhoi cyfle i fyfyrwyr fyfyrio’n feirniadol ar arfer addysg dda. Mae’n adnabod effeithiau posibl datblygiad proffesiynol trwy hyfforddi, mentora ac arsylwi gwersi ar godi safonau a gwella addysgeg a’r gallu i wella ansawdd dysgu ac addysgu trwy weithgaredd proffesiynol uwch.

Mae’r modiwl hwn yn galluogi myfyrwyr i ddatblygu dadansoddiad beirniadol a systematig o’r cysylltiadau rhwng astudio athroniaeth, addysg, ymchwil ac ymarfer academaidd. Bydd myfyrwyr yn gwerthuso dulliau athronyddol a damcaniaethau perthnasol sy’n dylanwadu ar addysg yn eu cyd-destun ar hyn o bryd. Bydd myfyrwyr yn myfyrio’n feirniadol ar eu gwerthoedd addysgol eu hunain a sut mae’r rhain yn gweithredu fel pwynt cyfeirio ar gyfer eu harfer eu hunain. Yn sail i’r modiwl hwn, y mae’r angen i fyfyrwyr fyfyrio’n feirniadol ar rôl eu safbwyntiau athronyddol personol yn eu harfer addysgol, ymchwil a dysgu proffesiynol eu hunain sy’n seiliedig ar dystiolaeth.

Mae’r modiwl hwn yn gwerthuso yn feirniadol ystyr a rôl technoleg dysgu mewn addysg. Mae’n galluogi myfyrwyr i feirniadu technoleg dysgu o fewn eu cyd-destunau a’u profiadau eu hunain trwy ddadansoddi llenyddiaeth, polisi, deddfwriaeth ac ymarfer perthnasol. Gwahoddir myfyrwyr i archwilio’n feirniadol rôl technoleg wrth wneud addysg yn hygyrch i bawb.

Mae’r modiwl hwn yn archwilio’r berthynas rhwng addysg ffurfiol, addysg anffurfiol ac addysgeg feirniadol. Mae’n archwilio’n feirniadol sut y gall addysg cael ei ddefnyddio i herio yn adeiladol anghydraddoldebau ac anghydbwysedd pŵer mewn cymdeithas. Mae’n galluogi myfyrwyr i fyfyrio ar eu hymarfer eu hunain i sicrhau eu bod yn gweithio mewn ffordd gynhwysol, ddemocrataidd a gwrth-ormesol.

Mae’r modiwl hwn yn archwilio’r fframweithiau athronyddol a damcaniaethol sy’n sail i ymchwil addysgol. Bydd myfyrwyr yn archwilio, beirniadu a gwerthuso gwahanol fethodolegau ymchwil a fydd yn cael eu hystyried wrth gynnig a chynnal y modiwl prosiect ymchwil.

O ganlyniad i astudio’r modiwl hwn, bydd myfyrwyr yn gallu cyflwyno strategaeth ymchwil gydlynol lle gallant alinio cysyniadau o athroniaeth, ontoleg ac epistemoleg er mwyn holi ac ateb cwestiwn ymchwil sy’n ymwneud â’u harfer eu hunain yn y gwaith.

Mae’r modiwl hwn yn galluogi myfyrwyr i baratoi i gymryd rhan mewn prosiect ymchwil sylweddol yn y gwaith. Bydd myfyrwyr yn gallu dangos lefel ddofn o ddealltwriaeth o wreiddiau athronyddol ymchwil addysgol trwy gynnig maes ar gyfer ymchwil, ymchwilio i gwestiwn cychwynnol a thrwy ddadlau’r achos dros ddyluniad ymchwil cydlynol ar gyfer eu cwestiwn ymchwil dewisol.

Mae’r modiwl hwn yn galluogi myfyrwyr i gymhwyso theori ymchwil yn feirniadol ac yn systematig i ymchwil yn seiliedig ar ymarfer. Bydd myfyrwyr yn dangos y gallu i werthuso ymchwil bresennol yn feirniadol gan ddefnyddio ystod o destunau cyfredol a ffynonellau arloesol. Byddant yn casglu ac yn dadansoddi data ymchwil, gan arddangos sgiliau dadansoddi beirniadol a gwerthuso. Mae’r prosiect ymchwil hwn yn galluogi myfyrwyr i dynnu eu sgiliau at ei gilydd ar lefel Meistr i ddangos dadansoddiad beirniadol, gwerthuso, synthesis a myfyrio ar eu harfer eu hunain, gan gefnogi eu dysgu proffesiynol eu hunain yn eu cyd-destun addysgol.